Чулман

Җомгабыз мөбарәк булсын! Кәрим Тинчурин әйткәнчә, акыл белән йөрәгебез бер ритмда эшләсен. Шул чакта тормыш имин, гаилә тулы, күңел тыныч булыр, эшләр гөрләп барыр. Көнебезне әнә шундый матур теләк-ният белән башлыйк!

СЫНЫЙК ӘЛЕ: август аенда туучылар турында Август – җәйнең соңгы ае, көннәрнең көзгә авышуына ишарәләп, яфраклар саргая башлаган, күңелне аңлатып булмаслык сагыш-моң сарган көннәрнең берсендә дөньяга аваз салган кешегә нинди сыйфатлар хас? Шулай итеп, ул... 👉 Физик һәм  рухи яктан үтә дә көчле. 👉 Бик аралашучан, шунлыктан лгызлыктан интекми. 👉 Оста идарәче. Үзенә каршы килгәнне өнәми. 👉 Игътибар үзәгендә булырга ярата. Кайберләре өчен сулар һава кебек кирәк. Юк кына хезмәтен дә күрүләрен, мактауларын көтә. 👉 Сайланучан. Гашыйк булса яисә яңа дус тапса – гомерлеккә. Тик аңа якын булу өчен бик тырышырга кирәк. 👉 Максатчан. Эшкә алынса, ни генә булмасын, ахырына җиткерә. 👉Иҗади. Билгеле бер кысалар арасында утырырга яратмый, шуңа да инициатива күрсәтергә кирәк булган һөнәрләрне үз итә. 📜 Статистика мәгълүматлары буенча, августа кечкенә балалар туа икән. Мәктәп елларында исә алар яшьтәшләренә караганда озынрак була. ❓Август аенда туучылар, бу сыйфатлар сезгә хасмы? Әйе – 👍 Юк – 👎

САК БУЛ: мошенник Мошенниклар уку елы алдыннан, ата-аналардан акча алу өчен, укытучылар һәм сыйныф җитәкчеләренең ялган аккаунтлар ясый башлаган. Аферистлар мессенджерларда педагог, мәктәп администраторы һәм деканат хезмәткәрләре аккаунтларына охшаган профильләр терки. Шулардан, ашыгыч рәвештә акча күчерүне сорап, ата-аналар яки студентларга хәбәрләр җибәрә, дип яза Риа Новости. Кайбер очракларда мошенниклар хәбәр алучыны куркытырга тырыша. Алар бала күңелсез хәлгә тарыган, телефонын югалткан, уку өчен бурычы бар яки аңа ашыгыч рәвештә нинди дә булса хезмәт өчен түләргә кирәк, дип белдерә алар. 🙅 Мондый очракларда бары тик таныш исем яки профиль фотографиясе белән генә эш итәргә ярамый: хәбәр җибәрүченең шәхесен белем бирү оешмасы яки хезмәткәрнең таныш номерына мөстәкыйль шалтырату ярдәмендә расларга кирәк. 🤔 Һәрвакыт уяу булыгыз, балаларны да шул хакта кисәтеп торыгыз!